Tokhang at Iba Pang Nanlabang Sanaysay ni Vim Nadera (The Philippine Writers Series 2023)

Ikatlo ito sa kung tawagin ay “Terapiya Trilohiya” ni Vim Nadera na unang naglabas ng Gadaling-Noo (2021), isang kalipunan ng mga tula, at Kumusta, 2020? (2022), isang koleksiyon ng mga sanaysay na isinilang sa panahon ng pandemya. Itinuturing itong gamot na personal, kaya politikal din, ng awtor na nakaligtas sa atake sa puso noong 2023. Siya ay aktibong kasaping tagapagtatag ng Filipinas Institute of Translation (FIT) na pinili ang “tokhang” bilang Salita ng Taon noong 2018. Kinalaunan, ang nasabing proyekto ng FIT ay pinaralisa matapos nitong hirangin ang “pandemya” bilang Salita ng Taon noong 2020. Inaasahang ang aklat na ito ay mabubuhay upang ipagpatuloy ang pagsasalaysay bilang anyo ng pagpapagaling. Author: Vim Nadera Jr. ISBN/ISSN: 9786210900576 Category: Literary; Essays; Creative Nonfiction Copyright: 2024 Pages: 198pp Dimensions: 6 x 0.5 x 9 in. Type: PB/BP